De column van Boer Kloete: “Zolt strooiers bedankt!”

boer-kloete.jpgSALLAND – Zolt strooiers bedankt!Ieder vak en ieder beroep hef z’n charmes. Bi-j elk vak kump ’n bepaalde behendigheid of vakkennis noar boaven. Bi-j ’n ander beroep heb i-j weer onmundig vulle mensenkennis nodig. Ik stoa zo open veur elk beroep en als ik de kans hep verdiep ik mi-j in een andermans beroep. Zo kreeg ik de mogelijkheid um met een zoltstrooier met te ri-jden.

Hij belden mi-j op en met een gang gingen wi-j noar de zoltbasis, woar veul wagens en bergen met wegenzolt lagen te wachten um vakkundig op de openbare weg te strooien. Wi-j deden de fietspaden. 10 gram zolt per m2 word er dan gestrooit. Als gewoon burgerkearl denk i-j doar niet bi-j na. I-j denkt; ’t is glad en als d’r niet gauw gestrooit word, goa ik op de bek!!

Dat er dan zo’n koppel volk druk an’t strooien is veur de veiligheid van velen, denk i-j niet an. Noa een paar uur ri-jen en veul kilo’s zolt was de klus geklaard. Ik had een donders voldaan gevuul. ‘T gevuul dat i-j wat goeds doet veur andermans veiligheid.

Doarom is’t goed um ow is te verdiepen in andermans vakgebied, in andermans hobby’s, sport of passies. In de interesses van een ander, dat kan goan oaver kanariepieten, maar ook oaver het verzamelen van bierviltjes of ’t jagen op wilde konijnen. Ieder hef z’n eigen ideeen eroaver en da’s lang niet verkeerd.

Ik, Boer Kloete heb gister ietsie gezien van het vak van zoltstrooier en bun bli-j dat ik ’t metgemaakt heb. ‘N ervaring rijker. Zoltri-jders bedankt ! GoedGoan en AMEN !!

Artikel delen:

Geef een antwoord

Het e-mailadres wordt niet gepubliceerd.